Vetrarkortin okkar eru komin í sölu. Hægt er að kaupa kort hér á síðunni eða hjá okkur í Skógarböðunum.

Laugarnar hjá okkur eru tvær. Stærri laugin er um 530m2 og hitinn er um 37°C, hún hefur tvo bari sem hægt er að synda að og innanhúss aðgengi ofaní laugina. Minni laugin er 53m2 og hitinn er um 40°C.

Ólíkt hefðbundnu gufubaði þá nýtir sánan hjá okkur þurran hita, en ekki gufu og raka. Rakanum hjá okkur er haldið í um 20% og hitanum í kringum 80°C. Meðan þú situr í sánunni og nýtur ávinningsins af þurr hitanum, þá munt þú njóta útsýnis yfir fjörðinn og fjöllin sem umlykja hann. Mundu bara að vera í sundfötunum þínum.

Við hliðina á sánunni erum við með kaldan pott. Hitastigið á honum er um 12°C. Við hvetjum fólk til þess að upplifa heilsufarslega ávinninginn af því að nýta sánuna og kalda pottinn til skiptis.

Mikilvægur partur af upplifuninni hjá okkur er að borða á Skógi Bistro. Ef þú ert manneskja sem nýtur þess að borða góðan mat í framandi umhverfi, þá viltu ekki missa af þessu. Með útsýni yfir Eyjafjörð, eld í arninum og viðarklæðninguna á veggjunum, Skógur bistro hefur allt sem þú þarft til að hámarka upplifunina hjá okkur.